Алматы қаласындағы №8 қалалық клиникалық ауруханада «Иммунопрофилактика: санитарлық-эпидемиологиялық талаптар мен регламенттер» тақырыбында оқыту семинары өтті.
Семинарда лектор ретінде Түрксіб ауданының санитарлық-эпидемиологиялық бақылау басқармасының эпидемиологиялық бақылау бөлімі басшысының міндетін атқарушы А.А. Мұхан сөз сөйледі.
Іс-шара барысында Қазақстан Республикасында профилактикалық егулерді ұйымдастыру мен жүргізуді реттейтін негізгі нормативтік-құқықтық актілер таныстырылды.
Атап айтқанда:
• Қазақстан Республикасы Денсаулық сақтау министрінің 2023 жылғы 21 қыркүйектегі №150 бұйрығы – профилактикалық егулерді ұйымдастыру және жүргізу бойынша санитариялық қағидалар туралы;
• Қазақстан Республикасы Үкіметінің 2020 жылғы 24 қыркүйектегі №612 қаулысы – міндетті профилактикалық егулер жүргізілетін аурулар тізбесін бекіту туралы;
• «Бекітілген халық» ақпараттық жүйесі арқылы вакцинациялауға жататын контингенттерді есепке алу қағидалары.
Семинар барысында вакцинацияға қатысты көрсетілімдер мен қарсы көрсетілімдер, сондай-ақ республикалық және жергілікті бюджет есебінен жүргізілетін міндетті және жоспарлы егулердің тізбесі жан-жақты түсіндірілді.
Бұған қоса, балалар мен жасөспірімдер арасындағы профилактикалық егулермен қамту бойынша (жыл сайын кемінде 95%) заманауи талаптарға ерекше назар аударылды. Сонымен қатар, тіркелген аумақтағы көші-қон, туу және өлім көрсеткіштерін есепке алу мәселелері де қозғалды.
