Алматы қалалық клиникалық ауруханасы №8-де дәстүрлі «Мектепке жол» акциясы өтті. Бұл игі шара жыл сайын кәсіподақ ұйымының бастамасымен ұйымдастырылып, бірінші сыныпқа қадам басқан қызметкерлердің балаларына арналады.
Биыл 30 отбасы осындай қолдауға ие болды. Әрбір балаға мектепке қажеттінің бәрі қамтылған арнайы жиынтық табыс етілді: дәптерлер, қаламдар, қарындаштар, сурет альбомдары және өзге де оқу құралдары.
Бұл дәстүр – тек материалдық көмек қана емес, сонымен бірге қызметкерлерге деген құрмет пен жанашырлықтың айғағы. «Мектепке жол» акциясы балалардың алғашқы қадамы сенімді де қуанышты болуы үшін жасалады.
