Алматы қаласы Қоғамдық денсаулық сақтау басқармасының №8 қалалық клиникалық ауруханасының терапия бөлімшесі ішкі ағзалардың әртүрлі аурулары бар пациенттерге тәулік бойы мамандандырылған емдеу-диагностикалық көмек көрсетеді.
Пациенттерді ауруханаға жатқызу медициналық көрсетілімдерге және қолданыстағы диагностика мен емдеудің клиникалық хаттамаларына сәйкес шұғыл және жоспарлы тәртіппен жүзеге асырылады.
Төсек қоры
Қазіргі уақытта бөлімшеде 60 төсек-орын бар, оның ішінде:
- терапия бейіні бойынша — 45 төсек-орын;
- эндокринология бейіні бойынша — 15 төсек-орын.
Терапия бейіні
Бөлімше Алматы қаласының Түрксіб және Алатау аудандарының тұрғындарына, оның ішінде №13, №14, №25, №29 емханаларға, «Максат Мед» ЖШС, «Open Medical Channel» ЖШС және №8 ҚКБ-ға тіркелген пациенттерге шұғыл медициналық көмек көрсетеді.
Бөлімшеде ішкі ағзалардың әртүрлі аурулары бар пациенттерге кешенді диагностика, емдеу және динамикалық бақылау жүргізіледі, оның ішінде:
- жүректің ишемиялық ауруы және стенокардия;
- артериялық гипертензия;
- өкпенің созылмалы обструктивті ауруы;
- пневмония;
- шығу тегі әртүрлі анемиялар;
- бауыр аурулары;
- стационарлық емдеуді қажет ететін басқа да терапиялық аурулар.
Бөлімше жұмысының ерекше бағыты — экстрагениталдық патологиясы бар жүкті әйелдерге медициналық көмек көрсету. Жүктіліктің ағым ерекшеліктерін ескере отырып, бронх-өкпе ауруларын, анемияны, жүктілік кезіндегі артериялық гипертензияны, созылмалы пиелонефритті және ішкі ағзалардың басқа да ауруларын диагностикалау мен емдеу жүргізіледі.
Эндокринология бейіні
Бөлімше құрамында эндокринология бейіні бойынша 15 төсек-орын жұмыс істейді.
Эндокринология бейініндегі пациенттерге медициналық көмек жоспарлы және шұғыл тәртіппен көрсетіледі.
Негізгі бағыт — қант диабеті бар пациенттерді жүргізу. Бұл жұмысқа тексеру, аурудың компенсация дәрежесін бағалау, қандағы қант деңгейін төмендететін ем мен инсулиндік емді түзету, оңтайлы емдеу схемасын таңдау, сондай-ақ қант диабетінің декомпенсациясына байланысты жағдайларды емдеу кіреді.
Жоспарлы ауруханаға жатқызу
Терапия бөлімшесіне жоспарлы тәртіппен мынадай негізгі аурулары бар пациенттер жатқызылады:
- іркілісті жүрек жеткіліксіздігінсіз жүректің басым зақымдануымен жүретін гипертензиялық (гипертониялық) ауру;
- стенокардияның басқа түрлері;
- өкпенің созылмалы обструктивті ауруының басқа нақтыланған түрлері;
- стационар жағдайында емді түзетуді қажет ететін қант диабеті және эндокринология бейініндегі басқа да аурулар.
№8 ҚКБ-ның терапия бөлімшесінде пациенттерді кешенді тексеруге, заманауи дәрі-дәрмектік ем жүргізуге және динамикалық бақылауға қажетті мүмкіндіктер бар. Емдеу-диагностикалық үдерісті білікті мамандар қолданыстағы клиникалық хаттамаларға және дәлелді медицинаның заманауи қағидаттарына сәйкес жүзеге асырады.
Бөлімше ұжымының негізгі міндеті — уақтылы, сапалы және қауіпсіз медициналық көмек көрсету, пациенттің жағдайын тұрақтандыру, емді түзету, асқынулардың алдын алу және пациенттердің өмір сүру сапасын жақсарту.










