.jpg)
36 жастағы алматылық келіншек үшін бұл көптен күткен жүктілік.
Жүктілік кезіндегі алғашқы скринингте әйелде 5*10*4см өлшемді сол жақ аналық без жылауығы (киста) анықталды. Өкінішке қарай екінші триместрде ол өсе түсті.
«Екінші скрининг кезінде жылауық өлшемінің 5,3*11,05*4,0см-ге дейін өсуі алаңдаушылық туғызып, жылауықтың ісіктік сипатын жою үшін онкогинекологтың кеңесі қажет болды. Түзілімнің өсуіне және жүктілікке ықтимал қауіпке байланысты науқас хирургиялық емдеу үшін портал арқылы №8 қалалық клиникалық ауруханаға жіберілді. Мұнда сол жақ аналық безге цистэктомия жасау мақсатында лапароскопиялық араласу жасалды. Ота сәтті өтіп, науқас гинекологтың бақылауында болу ұсынысымен аман-есен үйге шығарылды», - дейді Алматы №8 қалалық клиникалық ауруханасының гинекология бөлімшесінің меңгерушісі Дмитрий Цай.
Отадан кейін дәрігерлер консилиумы ана мен ұрықтың қауіпсіздігін қамтамасыз ету үшін жүктілікті дәрігерлердің жіті бақылауында жалғастыру туралы шешім қабылдады.
